September 19, 2014

Пентас – Pentas

АСУУЛТ - ХАРИУЛТ: Саяхан энэ ямар нэртэй цэцэг вэ гэж имейл-ээр асуусан хүнд цэцэгний нэрийг нь буруу хэлж өгсөн байна. Сая цэцэгний зураг үзэж суухдаа мэдэв. Эргээд нөгөө хүнээ олохгүй тул энд алдаагаа залруулая.
Таны цэцэг Пентас гэдэг нэртэй юм байна шүү.
Африкаас гаралтай ургамал. Тасалгаанд Пентас ланцетовидный (Pentas lanceolata) гэдэгийг тарьдаг юм байна. Өөр нэг нэр нь Пентас травянистый (Pentas carnea). 
Товчхон арчилгааны тухай:
Гэрэл: Нартай гэрэлсэг газар ургах дуртай. Шууд нарны тусгал даахдаа сайн. Урд зүгрүү харсан цонх илүү тохирдог. Гэхдээ нар удаан хугацаагаар үзээгүй тохиолдолд шууд наранд тавьбал түлэгдэнэ. Аажмаар дасгаж байж наранд тавиарай. Зуны хэт хурц нарнаас халхалсан нь дээр. Хойд зүгрүү харсан цонхны тавцан тохирохгүй. Зуны улиралд задгай агаарт гаргасан нь дээр. Хэрэв агаарт гаргах боломж үгүй бол өрөөндөө цэвэр агаар сайн оруулж байх хэрэгтэй. Намар-өвлийн улиралд хамгийн их нартай гэрэлтэй газар байрлуулаарай. 
Агаарын дулаан: хавар-зуны улиралд +20-25°С. Намар-өвөлдөө сэрүүвтэр байлгана +16°С (+10°С-ээс хүйтэн газар байлгаж болохгүй). Дулаан газар өвөлжүүлвэл навч хатаж унаад, сунасан нүцгэн иш, мөчир үлддэг.
Усалгаа: хавар-зундаа сайн услаж байна. Хөрсний өнгөн үе хатаад ирэнгүүт дараагийн усалгааг хийнэ. Намар-өвөлдөө багасгаад, цөөлөөд - хөрсний өнгөн үе хатсанаас хойш 2-3 хоноод нэг услаж байна. Услахдаа задгай том амсартай саванд хэд хонуулсан, хлоргүй, жаваргүй, өрөөний хэмтэй ус хэрэглэнэ. Хөрсөө нойтон, усархаг байлгаад байж болохгүй. Ялангуяа өвлийн улиралд сэрүүн гэрэл дутмаг байхад хэт их ус чийг нь амархан ялзруулдаг.
Агаарын чийг: Агаарын чийг өндөр байх тусам сайн. Тохирох үзүүлэлт нь 60%. Өдөртөө зөөлөн, хлоргүй усаар цэцгэнд хүргэлгүйгээр шүршээд байж болно. 
Бордоо: хавар-зун хоёр долоо хоногт нэг удаа минерал бордоогоор.
Арчилгааны онцлогууд: Навч унаад халзарсан нүцгэн мөчир үлдээд байдаг. Мөн сунаж ургах дуртай. Иймд тогтмол чимхэлт хийж байгаарай. 
Пентасыг 45см-ээс өндөр ургуулах хэрэггүй. 2-3 жилийн дараа мөчирний үзүүрээс авч үрслүүлээд шинэчилж байх нь дээр.  
Цэцэглэлт хавар эхлээд намар дуустал үргэлжилдэг. 8-9 сард цэцэгтэй байлгамаар бол хэт эрт гарсан бундуйг нь тасдаж авах хэрэгтэй. 
Амралт үед ордог ургамал. Өвөл 10-2 сарын хооронд гэрэл багасаад ирэхэд амардаг. Энэ үед агаарын хэм, гэрэл болон усалгааг дээр дурдсанаар мөрдөж байна. 
Шилжүүлэн суулгалт: Залуу ургамал бол жил бүр, насанд хүрсэн том бол хоёр жилд нэг удаа шилжүүлж суулгадаг. Гумусаар сайн бордсон тэжээллэг хөрсөнд дуртай. pН 5,5—6,5. Хөрс эсэх, ялзрах нь пентасыг маш амархан үхүүлдэг тул савны ёроолд заавал дренаж дэвсэж өгнө.
Үржүүлэх аргууд: Мөчирөөр болон үрээр. 
Үрээр: Жилийн аль ч улиралд үрээр ургуулж болно. Чийгтэй хөрсөн дээр үрнүүдээ байрлуулаад, булахгүй, хучихгүй, вакумдна. +23-26°С хэмтэй газар байрлуулна. Гэрэлд соёолдог тул гэрэлсэг, гэхдээ шууд нарны тусгааас хамгаалж тавьна. 2-3 долоо хоноод ургаж эхэлнэ.  Соёолсноос хойш 4-6 долоо хоногийн дараа 4-5 см голчтой савнуудад тусгаарлаж суулгана. Агаарын хэмийг өдөр, шөнө нэг хэвийн +18-20°С-д тогтмол байлгана. Тусгаарлаж суулгаснаас хойш 3-4 долоо хоноод саваа томруулж 9-11 см голчтой саванд шилжүүлж суулгана.
Пентасыг нэг наст шиг ургуулаад байж болно. 5 сард цэцэглэсэн ургамалтай болохын тулд үрээ 1 сард суулгах хэрэгтэй. 
Мөчирний үзүүрээр: жижигхэн хүлэмжинд +16-18°С тогтмол хэмд үрслүүлнэ. Шууд хөвсгөр чийглэг хөрсөнд зоогоод 8-10 хоногийн дотор үндэслэдэг. Үндэслэсэн үрсэлгээнүүдээ 7см голчтой саванд суулгана. Сайн услаж байна. Үндэс ургасаар савыг бүтэн эзэлсэн тохиолдолд 9 см голчтой саванд шижүүлнэ. Дараа нь 12 см саванд тус тус томруулаад байна. 
Гарч болох хүндрэлүүд: 
Гэрэл дутвал сунаж ургана, хэт нарийхан иш, мөчиртэй боох тул тогтвор муутай болно. Тулгуурт уях хэрэг гарна. 
Тэжээллэг хөрс шаарддаг ургамал, гэхдээ давс хужирт мэдрэмтгий гэдэгийг санаж байгаарай. 
Хөрс хатаасан, эсвэл азотын дутагдалд орсон, мөн төмрийн дутагдалд орсон тохиолдлуудад навч шарладаг. 


September 9, 2014

Шимтэглэйнээс хураасан үрнээс эх цэцэг ургах уу?

АСУУЛТ - ХАРИУЛТ: Алаг цоохор шимтэглэйнээсээ зөндөө үр хураалаа. Суулгавал яг энэ шимтэглэй ургах уу?
Хэрэв та "үйлдвэрийн үр" дэлгүүрээс авсан бол, хэрэв тэр нь мэргэжлийн аргаар гаргаж авсан гибрид F1 эсвэл F2 бол ийм үрнээс уутан дээр нь бичсэн шинж чанартай ургамал ургана.
Гибрид буюу эрлийзжүүлсэн сортууд гэрийн нөхцөлд үр бараг өгдөггүй. Хэрэв гибрид шимтэглэйнээс үр хурааж авч чадсан бол энэ үрнээс ургах цэцэг эх ургамлын шинж чанараа хадгалахгүй. 
Иймээс сортын шинж чанарыг авч үлдэхийн тулд зөвхөн мөчир, навч зэрэгээр үржүүлнэ. Урд нь энэ тухай "F1 үр" гэсэн бичлэгт дурдаж байсан.  
Сонирхолтой нь мөчир болон навчаар үрслүүлсэн шимтэглэй нь нил, баримгана, юүлүүргэнэ зэрэгтэй адил заримдаа "спорт" гаргадаг байна. Гэхдээ тэдэнтэй харьцуулахад хамаагүй цөөн ховор тохиолддог. Нэгэнт спортолсон ургамал гибрид эх цэцэгнийхээ шинж чанарлуу буцаад өөрчлөгдөхгүй. Спорт гэдэг нь генетикийн мутаци өөрчлөлт. ("Спорт"-ын тухай энд)
Шимтэглэйний спортуудын жишээ:



Сарнайн дэлбээт шимтэглэйнүүд 1850-аад оноос бий болсон. Английн Виктория хатан хааны дуртай цэцгүүдийн нэг байсан байна. Сарнайн дэлбээтүүд үр огт өгдөггүй. Зөвхөн вегетатив хэлбэрээр л үржүүлдэг. Гибрид гаргах маш хэцүү тул сарнайн дэлбээтэй шимтэглэй харьцангуй цөөн сорттой. 
"Appleblossom Rosebud" анх 1870 онд тэмдэглэгдсэн байдаг. Түүнээс гарсан олон спортууд нь тусдаа сорт болоод бүртгэгдсэн. 
Жишээ нь түүний нэг спорт нь "Happy Appleblossom Rosebud" гэсэн нэртэй 1998 онд бүртгэгджээ. Эх сортоосоо ялгаатай нь навч нь алаг - дундаа цайвар ногоон толботой, бут нь арай авсаархан, намхан. 
Хаан шимтэглэй хамгийн их спортолдог төрөл.


September 3, 2014

Саваргана зарна

Саваргана цэцэг зарна. Утас 99040130
том-150000 төгрөг; жижиг-50000 төгрөг


July 4, 2014

Абутилон навчаар үрслүүлж болдог байна

Химийг мөчир, үрээр үрслүүлэхээс гадна навчаар бас болдог байна. Нэг навч тасдаж аваад усанд хийгээд ургана гэж найдвар багатай. Харин үндэслүүлэгчтэй усанд норгосон салфетка дээр хавтгайгаар нь тавиад, ниллэг уутанд хийгээд тавьчихвал болдог гэнэ. Гол нь салфеткийг байнга нойтон байлгах хэрэгтэй. Өдөртөө хэд хэдэн удаа нээж агаар оруулна. Салфетка өдөр бүр шинээр сольж байна. Тэвчээртэй хүлээсний эцэст үндэслэнэ. Үүний дараа навчаа чийгтэй хөрсөн дээр тавиад тал хүртэл нь булна. Удалгүй нялх нахиа цухуйдаг байна. Гэхдээ энэ их цаг авсан арга. Үрслүүлэх мөчир олдохгүй үед л хэрэглэх байх. Ийм аргаар навчны өнгө, хээ сайн хадгалагддаг. 
Арай өөр арга нь - сонгож авсан навчны гол судасууд дээр 1-2 зүсэлт хийнэ. Зүсэлт нь хөндлөн биш, судасаа дагасан байна. Чийгтэй хөрсөн дээр тавиад, хавчаараар хатгаж зүсэлттэй хэсгүүдийг хөрсөнд наалдуулж өгнө. Бага зэрэг хөрсөөр хучаад, вакумдна. Шинэ нахиа гарч эхлэнгүүт эх навчийг бүрэн булж болно. Нэг хэсэг вакумтай байлгана. Томронгуут нь вакумаа аваад, жирийн нөхцөлд ургуулна.
http://plantinpot.ru/